Kakehan Viagra

Ngerti gandule Mat Pithi lemes gara-gara dikudhang Saropah Mat Pithi
gak trimo. 'Adik e' Mat Pithi kudu iso tangi maneh. Mbuh yok opo
corone. Ambek koncone sak kantor dikandani, ngombe Viagra ae, lak
adikmu bakalan kluruk maneh. Mat Pithi tekade wis gedhe, duwik simpenan
e ditokno kabeh, ditambahi utang rono-rene, Mat Pithi iso tuku Viagra 5
iji. Saking pingine adike ndangak maneh, Viagra 5 iji diuntal kabeh.
Langsung rong jam sakwise ngombe adike Mat Pithi tangi, ngerti tangi
koyok ngono Saropah langsung diumek. Kuat tenan Mat Pithi 5 jam adhike
greng terus. Saropah wis entek-entekan, akhire nyerah. Wis wegah
nandangi kluruke jagone Mat Pithi. Jagone Mat Pithi pancen kuat.

Sakwise 10 jam jagone Mat Pithi tetep ndangak ae. Mat Pithi bangga
temen, Viagra pancen hebat. Tapi sakwise sedina jagone gak lemes-lemes
Mat Pithi bingung, kathik kelaran pisan. Gawat dosis Viagrane kakean.
Wedhi lek onok opo-opo Mat Pithi nyang dokter ndek cideke protelon
Kapas Krampung Tambakrejo. Ambek dokter dikon ngombe obat penenang.
Sakwise ngombe Mat Pithi rodok ayem. Tapi dienteni sedina tibakno
adhike gak lemes-lemes, gawat iki. Mat Pithi bingung, mbalek nang
Dokter maneh. Dokter yo bingung, cik kuwate se jagone Mat Pithi iku.
Dikon ngombe obat penenang maneh. Tapi menene ijik pancet ae. Akhire
doktere nyerah, langsung usul. Wis ngene ae pucuk e gandulmu tak taleni
tali ae. Terus pucuk tali liyane tak talekno ndik dengkulmu, supoyo
gandulmu iso ndingkluk. Mat Pithi ho'oh ae. Wis embuhlah pokoke iso
ndingkluk. Bareng ditaleni pucuk gandule, terus gandule ditarik
mengisor, karo pucuk tali liyane ditalekno ndik dengkul Mat Pithi krasa
enak. Wah enak dokter, Mat Pithi ngomong ngono karo ngguya-ngguyu.
Sakwise mbayar Mat Pithi molih.

Lagek sedilut, moro-moro pembantune dokter bengok-bengok. Dokter-dokter
pasien sing sik tas molih nggawe geger ndek protelon Kapas Krampung,
protelon nganti macet, cepet ditulungi dokter, wonge bengok-bengok
nyeluk jenenge dokter.

Doktere langsung mlayu nang protelon. Ndek tengah protelon Mat Pithi
lagi tibo nggletak. Ditulungi ambek dokter didhekno. Tapi saben
didhekno Mat Pithi ambruk. Ngadhek maneh Mat Pithi isone ngadhek nggawe
sikil siji. Sikil sijine ngangkat menduwur. Bareng dipriksa tibakno
jagone Mat Pithi ndangak maneh, saking kuwate ndangak dengkule Mat
Pithi sing gawe naleni gandule mau melok keangkat. Doktere isone mek
gedhek-gedhek thok.

Mejo Dingklik